ހައްދުންމަތީ ގަމު އަލްފަޤީހު މަޙުމޫދު ( ގަމު ރަތްބެ ) އަކީ ދިވެހި ތާރީޚާއި ދިވެހި ޤައުމަށް ނުހަނު ގިނަހުނަ ޚިދުމަތް ތަކެއް ކުރައްވައިފާއިވާ އަލްޤާޟީ ހަސަން ތާޖުއްދީނުގެ ބައްޕާފުޅެވެ. ހަސަން ތާޖުއްދީނުވަނީ ދެފަހަރުމަތިން ދިވެހި ރާއްޖޭގެ އުއްތަމަ ފަނޑިޔާރުކަން ކުރައްވާފައެވެ. ތާރީޚަށް ކޮށްދެއްވި ޚިދުމަތް ތަކުގެ ތެރެއިން ދިޔަމިގިލީ ރަދުންގެ އަމުރުފުޅަށް އަލްޤާޟީ ހަސަން ތާޖުއްދީނު ލިޔުއްވި ތާރީޚު އިސްލާމި ދީބާ މަހަލް (ދިވެހިރާއްޖޭގެ ތާރީޚު) މިފޮތް ފާހަގަ ކޮށްލެވެއެވެ. ހަސަން ތާޖުއްދީނު ފަސްދާނުލެވިފައި ވަނީ މާލޭ ހުކުރު މިސްކިތުގެ ގަބުރުސްތާނުގައެވެ. ނިޔައުވި އިރު އުމުރުފުޅުން 67 އަހަރުފުޅެވެ.
ހަސަން ތާޖުއްދީނުގެ ބައްޕާފުޅު ( ގަމު ރަތްބެ ) ފަސްދާނު ލެވިފައި ވަނީ ގަމު ތުނޑީ އަވަށު (މާހިންނަ) އަލަށް މީހުން އާބާދުވި ސަރަހައްދުގައި ހުންނަ ދުވަސްވީ ގަބުރުސްތާނުގައެވެ. މި ގަބުރުސްތަނުގައި އެންމެ ފަހުން މީހަކު ފަސްދާނުލެވިފައިވާ ކަން އެގޭ ތާރީޚަކީ 1951 ވަނަ އަހަރުގައެވެ. އޭގެ ފަހުން މި ގަބުރުސްތާނުގައި މީހަކު ފަސްދާނުލެވިފައި ވާކަން އެނގޭކަށް ނެތެވެ. މި ގަބުރުސްތާނުގައި އިހަށް ނަމާދުކުރާނެ ކުޑަ މިސްކިތެއް ހުރެއެވެ. ނަމަވެސް އަހަރުތަކެއް ކުރިން އެމިސްކިތް ވަނީ ތަޅާލެވިފައެވެ.
![](https://static.wixstatic.com/media/c88e09_7eb02651d09048e4a3fa327aeb4f9760~mv2.jpg/v1/fill/w_147,h_110,al_c,q_80,usm_0.66_1.00_0.01,blur_2,enc_auto/c88e09_7eb02651d09048e4a3fa327aeb4f9760~mv2.jpg)
![](https://static.wixstatic.com/media/c88e09_fa5d8460c02c46fe8adcef6a39486b09~mv2.jpg/v1/fill/w_144,h_192,al_c,q_80,usm_0.66_1.00_0.01,blur_2,enc_auto/c88e09_fa5d8460c02c46fe8adcef6a39486b09~mv2.jpg)